Shillong Risaw 17: U Lamphang ka ïingdorbar thawaiñ ka Jylla u Thomas A. Sangma, ula ai ka jingiathuh ia ka jingleit pyniasoh ki 8 ngut ki MLA ka United Democratic Party (UDP) sha ka seng Bharatiya Janata Party (BJP).
U Secretary ka Meghalaya Legislative Assembly, ha ka jingpynbna ha ka 16 tarik u Risaw, ula pyntip ba u Lamphang ka ïingdorbar ula ai jingithuh (Recognised) ia ki 8 ngut ki dkhot jong ka United Democratic Party Legislature Party kiba kynthup ia u Bah Lahkmen Rymbui, Bah Pius Marwein, Bah Kyrmen Shylla, Bah Mayralborn Syiem, Bah Matthew Beyondstar Kurbah, Bah Ollan Singh Suin, Bah Balajied Kupar Synrem bad u Bah Synshar Kupar Roy Lyngdoh Thabah kiba la leit ban pyniasoh bad ka Bharatiya Janata Party (BJP) hapoh jong ka Paragraph 4 jongka Tenth Schedule jong ka riti synshar ka ri India.
Namar katei hajrong, kumta ka jingdon paid ka United Democratic Party Legislature Party ha ka Meghalaya Legislative Assembly kala long noh 4 ngut katba ka Bharatiya Janata Party Legislature Party kala don noh 10 ngut.
