Dibrugarh, Rymphang 21: Uwei u runar ba shyrkhei u la shah siat iap ha ki pulit ha ki bnta jong ka Charaideo district ka Assam ha kane ka sngi U Blei ba la lah katba u dang pyrshang ban phet krad na ki kti jong ki pulit.
Ia une u runar la tip kyrteng kum u Sanju Jaiswal.Une u briew ula shah siat iap ha ki pulit katba u dang pyrshang ban phet krad hadien ba ki pulit ki la pynlong ka jingthwet ban kem ia u ha ki bynta jong ka Sessa Satra kaba ha Sonari.
U heh pulit ula ong ba une u runar ula shah siat ar kuli katba u dang pyrshang ban phet krad da ka thuk thuk ka jong u kata wat hadien ba ki pulit ki la kyntu ba un pyndem noh ia lade.Une u runar uba la mynsaw na ka jingdei kuli u la khlad noh ha ka lynti sha Assam Medical College and Hospital.
Na ka liang ki pulit ki la ong ba une u runar u dei u ba la tip bha ruh ha ki kam tuk thuk thuk. “Une Jaiswal u la donkti ha kiba bun bah ki kam tuh thuk thuk ha kaba u ju die ia ki shapoh Nagaland.U dei u runar ba shyrkhei.Wat hadien ba u la lait jamin, hynrei u dang iai bteng ia ki kam pyntriem ki jong u,” ong u heh pulit.
Haba kren sha ki lad pathai khubor ha ka sngi U Blei ba la lah, na ka liang u superintendent ka Assam Medical College and Hospital (AMCH) u Dr Prasanta Dihingia ula ong, “Ia une u briew (Sanju Jaiswal) la wan ialam da ki pulit hapoh kane ka hospital ha ka por 6:10 jan miet.U la don ki dien kuli ba shah siat.Hadien ba la eksamin ia u da u doktor la shem ba ula dep khlad noh.Uwei u kuli u la ksam na ki bynta jong ka kpoh bad uwei na ki bynta jong ka kjar.”
