Shillong, Risaw 20: Ka jylla Meghalaya hynne ka sngi, kala mad biang ia ka jingrem ha ka jingialehkai Cricket ha ka Vinoo Mankad Trophy bad ha ka Senior Women’s T20 Trophy.
Ha ka U-19 men’s ka jylla kala rem da 391 run ha ka Maharashtra ha ka jingiakhun ha Vijayawada bad ha ka liang ki kynthei kala shah pynrem da 10 wiket ha ka Karnataka ha ka jingiakhun kaba la long ha Vadodara.
Ha ka jngiakhun kaba khatduh jong ka Vinoo Mankad Trophy mynta u snem, ka Meghalaya kala hap ban iakhun pyrshah ia ki kynhun kiba khlain bad hynne ka sngi kala hap ban leit kawang bol nyngkong ha kaba ka Maharashtra kala kamai 466/6 ha ka 50 Over.
U Digvijay Patil ula kamai 239 run na ki 139 bol bad ula out noh ha u Angkit Tamang uba la ioh khur 3 wiket bad ai 85 run, katba u Da-u-la-biang Shangpliang ula ioh 2 wiket bad ai 88 run.
Haba leit ban tied, ka Meghalaya kala kamai tang 75 bad hap lut ki wiket ha ka 26.4 over.
U Lensbirth Marak ula kamai 12 run bad u Shubham Rasaily ula kamai 17 run at tbad u Angkit ula kamai 16 run.
Ka Meghalaya kala rem ha baroh 5 tylli ki jingiakhun.
Haba phai sha ka Senior Women’s Team jong ka Meghalaya, kala leit ban tied nyngkong bad kala kamai tang 41 run bad hap lut ki nongtied ha ka 12.2 Over bad ym shim la don kano kano ka nongtied kaban kamai palat ia ka 7 run.
Ka Karnataka kala jop ha ka 7.3 Over bad ym shim la don ruh kiba out.
Ka Meghalaya kan iakhun pyrshah ia ka Tamil Nadu ha ka Sngi U Blei katba ha ka Syed Mushtaq Ali Trophy, ka kynhun jong ka Senior Men’s T20 ka jylla kan iakhun pyrshah ia ka Chhattisgarh ha ka sngi Saitjaiñ ha Jaipur.
