Shillong, Rymphang 04: Uwei u nongtrei jong ka Indian Embassy ha Russia ula shah kem halor ka jngsuba jur ba udei uba trei na ka bynta ka ISI jong ka Pakistan.
Ka ATS (Anti-Terrorist Squad) jong ka jylla Uttar Pradesh hynne ka sngi u Blei, kala kem ia u Satyendra Siwal, uba dei u nongtrei jongka Indian Embassy ha Russia, halor ka jingsuba jur ba udei uba donkti ha ki kam ban ialeh pyrshah ia ka ri da kaba iatreilang bad ka kynhun syntiat jong ka Pakistan ka ISI.
Ia une u riewshimet la kem na Meerut.
Katkum ki khubor kiba la iohlum, la iathuh ba u Satyendra Siwal ula shah kynnoh ba ula donkti ha kaban ai ia ki jingtip kiba kongsan sha ka ISI halor ki buit treikam jong ka jingkhynra ka Ministry of Defence, Ministry of External Affairs bad ki bor shipai.
U Satyendra Siwal ula trei kum u Security Assistant ha ka Indian Embassy ha Moscow naduh u snem 2021.
Ha ka jingtohkit jong ka ka kynhun ATS, la iathuh ba u Siwal ula kubur ia ka jingdonkti ha kaban leh ia ki kam sniew.
Ki Pulit kila rejistar ia ka FIR ejahar pyrshah ia u Siwal hapoh jong ka section 121A jongka IPC (ban ialeh thma pyrshah iaka ri) bad Official Secrets Act 1923.
