Shillong, Jymmang 16: Shijur ki suba nongkhaii drok hynne ka sngi kila shah kem ha ki Pulit ka ANTF na Khliehriat East Jaintia Hills district.
Hadien bala ioh jingtip, ki Pulit ka ANTF bad ki Pulit ka Khliehriat Police Station kila pynap shrip ha surok bah NH 06 bad kila ioh ban bat iaka Bos AS 01 LC 7641.
Ha kane ka jingkynra ki Pulit kila ioh kem kawei ka longkmie ba kyrteng Lhingneivah Singson (35 snem) bad u kurim jong ka u Lalroho Hmar (38 snem).
Na kine ki shijur, ki Pulit kila ioh kurup 6 tylli ki synduk sabon ba don kynja drok rong soh bad ia kine 2 ngut la pynngat hapoh ka kyndon NDPS Act bad la Register Case hapoh ka Khliehriat police station naka bynta ban pynlong ka jingtokit.
U SP ka East Jaintia Hills u Jagpal Singh Dhanoa ula iathuh ba hadien ka jingtohkit la lap ba udei u drok heroin ba don 65.92 grams bad na kine 2 ngut la ioh ruh ban kurup T. 5 hajar ka pisa.
