Tura, Jymmang 16: Ka eriong kala jur ka la syllad ia ka thain Gambegre West Garo Hills hynne ka step sngi ba-ar, ban pynjulor ia bun bah ki iing ki sem, ki jingthung jingtep bad ki jingtei naduh ki surok nalor ka jingdkut ki sainar elektrik.
Watla ym pat lah ban pynthikna haduh katno tylli ki iing bad ki shnong kila shah pynjulor hynrei ka kaiphod bala iohlum malu mala ka pyni ba la don bun bah ki iing kila shah ktah ha kane ka eriong.
Ka jingsyllad kane ka eriong kala lam sha ka jingkhang lynti ia ki surok ha kylleng ki jaka namar ka jingkhyllem ki dieng. Nalor kate, ka eriong kala ktah ruh ia ka jingsam bording elektrik haduh ba bun tylli ki shnong kila hap shpng dum na ka daw ka jingdkut ki sainar.
Ki bor District bad na Block kila phah mar mar ia ki kynhun ban leit lum jing khein ia ka jingpynjulor jong kane ka eriong. Kila iatrei borbah ban lum jing khein bad ban tip ia ki jingdonkam jong ki paidbah bad ban iatreilang ha kaban phah ia ki lad jingiarap sha ki lanot.
Ka kynhun kala trei borbah ruh ban pynkhuid ia ki dieng ba khyllem ha surok bad ban pynioh biang ia ka bording elektrik.
