Shillong, Nailur 06: Ki pulit jong ka Anti Narcotics Task Force (ANTF) ha ka miet jong ka sngi Thohdieng, kila pynlong ia ka jingkhynra ha Nongrah Nongpdeng ha kaba kila ioh kurup ia u droks Heroin uba don 218.94 gram uba shongdor T.1 Klur.
Ka ANTF haba kala ioh ia ki jingtip kiba paka, kala leit ban khynra ia ka iing kaba shongwai da ka Nengneilhing Khongsai kaba la don 41 snem ka rta, kaba don ha ka shnong Nongrah Nongpdeng Shillong bad ha kane ka jingkhynra kila ioh ban kurup ia ki 18 tylli ki synduk buh sabon ha kaba la buhrieh ia u jingdih uba la suba jur u dei u Heroin.
Ka ANTF kala ioh kurup ia une u jingdih na ka kamra ka jongka Khongsai bad une u jingdih u don 218.94 gram bad u shongdor T.1 Klur tyngka.
Kane ka longkmie kala shah kem noh ha ki pulit bad la rejistar case ia ka hapoh ki kyndon jong ka NDPS Act.
 ha ka miet jong ka sngi Thohdieng, kila pynlong ia ka jingkhynra ha Nongrah Nongpdeng ha kaba kila ioh kurup ia u droks Heroin uba don 218.94 gram uba shongdor T.1 Klur.){kind=link}