Shillong, Nailur 16: Ki riew runar ki la kawang artylli ki petrol bomb ia ka ophis ka tnat Directorate of Mineral Resources (DMR) kaba don ha Risa Colony ha kaba kawei ka kali kala julor.
La iathuh ba uwei u petrol bomb u la hap ha phyllaw jong ka ophis bad dei lang iaka kali Alto kaba don ia u number ML 05 AC 0429, kaba dei jong uwei u ophisar.
Kane ka jingjia ka la jia ha ka por kumba 3:15 baje nohphai sngi katba ki nongtrei ki dang don hala ki kamra ophis treikam.
Na ka liang ki pulit na Laitumkhrah Police Station ki la hiar sha katei ka jaka bad ki la pynlong ruh ia ka jingtohkit kaba bniah.
