Shillong, Nailur 16 : Ka Meghalaya Weightlifting Association MWA ka pyntip paidbah ba kan pynlong ia ka 5th Meghalaya Weightlifting State Championship haka 18 tarik Nailur ha nongbah Shillong.
U President ka Association Bah Donald Rymbai u la pyntip ba ka katei ka sngi kin wan ruh ban sakhi ia kane ka lympung da ki arngut ki nongrah nar kiba dei ki National Players jong ka ri India kata u Chanameam Rishikanta Singh bad ka Bindyarani Devi kiba dei ki player ki ba la khur takma haka CommonWealth Game 2026.
U Bah Donald ula pynpaw ba kane ka lympung ka dei ruh kum Shibynta ka jingpynkhreh iaki rang bad ki thei rah nar ka jylla naka bynta ka National Game 2027 bad ha kajuh kapor ban ailad iaki ba kin ioh ban pyni iaka sap ka phong ha kum kine ki lympung kiba heh.
Ka Association ka ai khublei iaka Sorkar Jylla kaba la pynioh iaka jaka kaba bit ba biang ba ki nongrah nar ka jylla kin ioh ban kilan met bad ha kajuh ka por ka khot ka wer ruh iaki paidbah baroh ba kin wan ban sakhi bad ai mynsiem ïaki nongialehkai ka jylla ha katei ka sngi.
