Shillong, March 24: Ka National Cricket Academy (NCA) bad ka National Junior Selection Committee jong ka BCCI kala jied ia uwei samla ka Meghalaya Cricket Association ban shim bynta haka U-19 boys’ camp ka ban long ha Dehradun.
Une u rangialehkai Cricket ka Meghalaya u kyrteng Mrinal Das bad kane ka jingshah jied jong u kadei namar ka jinglah ialehkai bha haka Vinod Mankad Trophy bad ka Cooch Behar Trophy ka ba dang shu dep.
Kane ka U-19 boys’ camp ka ban long ha Dehradun kan sdang naduh 24 tarik Iaiong haduh 18 tarik Jymmang.
