Shillong, Rymphang 20 : U Acting Syiem jong ka Hima Mylliem Ainam Manik Syiem hynne ka sngi nyngkong, ula shah jied kum u Syiem ba pura jong ka Hima Mylliem ha ka Elekshon kaba la pynlong hynne ka sngi, da ka tnad Elaka jong ka Khasi Hills Autonomous District Council (KHADC).
Ha katei ka elekhson Syiem Hima Mylliem, kila don 5 ngut ki kyrtong kiba la thep kyrteng ban iakhun iaka elekshon bad na ki 41 ngut ki nongthep vote, kila don 10 ngut kiba la pep ban thep ia ka Vote bad kiba sah 31 ngut baroh kila thep vote bad jied ia u Paiem Ainam Manik Syiem kum u Syiem ka Hima Mylliem.
U Bah C Pohlong uba long u Returning Officer uba pyniaid ia katei ka elekshon, ula ong hadien ba la pyndep iaka jingjied ia u Syiem, yn sa phah ia ka kaiphod ia kaba yn sa rah haka dorbar ban wan jong ka Council bad hadien kane, ka Council kan sa aiti iaka sanad ha u Paiem Ainam Manik Syiem.
Kiwei kiwei ki kyrtong kiba la iakhun ia katei ka elekshon Syiem ki kynthup ia u Bah Samran Sing Syiem, Bah Pynshailang Syiem, Bah Banteilang Syiem bad Bah Mansan Manik Syiem.
