Shah jied ki Thei samla na Ri-Bhoi ban mihkhmat ia ka Jylla sha ka Jr Girls National Football Championship

Date:

Share post:

Nongpoh, Nailur 29: Ka long ka jingkmen bad ka jingai mynsiem ia ki samla kynthei kiba don ia ka sap ialehkai football ka them Ri Bhoi District, ha kaba sa ar ngut ki thei ialehkai football na kane ka thain ki la shah jied ban mihkhmat ia ka jylla Meghalaya ha ka Junior Girls National Football Championship 2023 kaban sa sdang naduh ka 2 tarik haduh ka 15 tarik u Nailar ha ka jylla Rajasthan.

Kine ki arngut ki thei ialehkai football kiba la shah kynthup ha ka kynhun jong ka jylla Meghalaya ki kynthup ia ka Daphishisha Syngkli bad ka Ibashongkun Shylla kiba dei ruh ki thei ialehkai kiba pyntbit hapoh ka Lyntijam football centre kaba don ha ka thain Nongpoh.

Ha ka jingiakren bad u Bah Sumarlang Swer, u ba dei u Coach ka Lyntijam Football Centre, u la pyntip, ba ka long shisha ka jingkmen kaba khraw ia ka kynhun ai jinghikai ha ka liang ka football ba kine ki ar ngut ki samla kynthei ki la iohlad ban mihkhmat ia ka jylla Meghalaya ha ka lympung ialehkai football jong ka National Level jong ka Junior Girls National Football Championship 2023.

U la ong ruh, ba kine ki arngut ki samla kynthei ki dei ruh kiba la mihkhmat ia ka Saiden Secondary School ha ka jingleit mihkhmat sha ka lympung jong ka National Level Subroto Mukheerjee Cup kaba la long hapoh ka nongbah Delhi.

“Ka long shisha ka khubor kaba ai mynsiem ia ki samla kiba don sap ha ka kam ialehkai football kiba dang pyntbit shuh shuh ialade hapoh ka Lyntijam Football Centre hadien ka jingshah jied jong kine ki arngut ki thei ialehkai football jong ka Ri Bhoi District”, ong u Bah Sumarlang Swer.

Share post:

spot_img

Popular

More like this
Related

Pan kaiphod ka Meghalaya High Court ia ka jinglap ia u dewiong ba tih thymmai ha EJH

Shillong, Iaiong 29 : Ka Iingkashari Meghalaya High Court...

Police forces withdraw from NEHU after intense protest by students, Acting VC’s appeal

Shillong, April 29: Meghalaya Police and CRPF personnel were...

NEHU Acting VC seeks immediate withdrawal of police and CAPF from campus amid student protest

Shillong, April 29: The Vice Chancellor in-charge of North...

Conclave to elect new Pope set to begin on May 7

Shillong, April 29: The conclave to elect a new...