Shillong, Naiwieng 03 : Ka Tura kala shah jied ban ioh pynlong ia artylli ki jingiakhun jong ka U-19 Cooch Behar Trophy mynta ka samoi, ka ban pynlong ha madan ialehkai Cricket kaba don ha Alotgre.
Ka Meghalaya Cricket Association kala theh kyrhai bha ka pisa ban pynjanai ia kane ka madan ialehkai ha ryngkat ka jingkyrshan jong ka BCCI. Ki kam bala pyntrei ki kynthup ia ka jingpynbha ia ki nala, ki jingker, ka jingthung ia ki Bermuda Selection-1 grass bad ka jingshna ia ki jaka kylliang jain jong ki nongialehkai bad ki manager.
Ki artylli ki jingiakhun ban pynlong ha Alotgre kan sakhi ia ka Jylla Meghalaya ka ban iakhun pyrshah ia ka Jammu and Kashmir ha ka 19-22 tarik Naiwieng bad ia ka Karnataa ha ka 26-29 tarik Naiwieng.
Ka MCA kala pynbna ruh ia ka kyrteng jong ki kynhun ba 15 ngut ki rang ialehkai jong kane ka lympung ka ban ialam da u Navin Kumar kum u Captian bad u Bharat Gurung kum u Vice Captain.
Ka Meghalaya kan iakhun ia ka jingialehkai ba nyngkong ha Mangaldai, Assam pyrshah ia ka Uttarakhand, ka ban long ha ka 5 tarik u Naiwieng.
Ka kynhun ialehkai ka Meghalaya: Charm Marbaniang, Shavian P Blah, Navin Kumar (C), Jeremiah Lyngdoh Kynshi, Banialam Mylliemngap, Raghav Magotra, Bosrang R Marak, Gavineal Marpna, Anmol Sunar, Bharat Gurung (VC), Avinash Rai, Reshab Subedi, Gulgul Sangma, Mrityunjay Bharali, Mrinal Das
Ki support staff: SP Yadav (head coach), Hemant Roy (assistant coach), Tejas R Vala (strength and conditioning coach), Hamboy Langbang (physio), Shankar Newar (manager), Aaron G Diengdoh (manager)
Meghalaya fixtures:
vs Uttarakhand, 5-8 November 2022, Mangaldai (Assam)
vs Himachal Pradesh, 12-15 November 2022, Bilaspur (Himachal Pradesh)
vs Jammu and Kashmir, 19-22 November 2022, Tura
vs Karnataka, 26-29 November 2022, Tura
vs Mumbai, 3-6 December 2022, Mumbai (Maharashtra)
