Shillong, Nailur 29: Ka Meghalaya Football Association (MFA) ka pynbna ba ka nongbah Shillong ka la shah jied kum ka jaka ban ialehkai ia ka wat kaba nyngkong (First Round) jong ka lympung Second Division ka Indian Women’s League 2026-27 (IWL 2).
Ki jingïalehkai jong ka Group C kin long ha madan SSA Polo ha u bnai ban wan, ha kaba ka Jakrem FC kaba rah iaka nam lahduh jong ka Meghalaya Women’s State League 2025 kan ïashimbynta ha kane ka lympung ha ka sien kaba nyngkong.
Ym pat don kano kano ka klob na Meghalaya kaba la ju iakhun haka IWL lane IWL 2, wat la ka Royal Wahingdoh ka la shah khot ban ïashim bynta ha ka jingïakhun ïakhun jong ka IWL kaba nyngkong ha u snem 2026-17 hynrei kam shym la lah ban jam shakhmat hadien ba kala rem ha baroh 4 tylli ki jingïalehkai.
Da ka jingpynlong ïa ka lympung Women’s League da ka MFA ha u snem ba la dep, ka Jakrem ka la long ka kynhun ban ioh iashim bynta ha 1 szskane ka samoi.
Ka Jakrem ka don lang bad ka kynhun ïalehkai kata ka All India Football Federation TDS Academy, ka Kemp FC bad ka Mumbai Knights FC ha ka Group C.
Ki saw tylli ki kynhun kiba wan nyngkong haki Group bad ar tylli ki kynhun kiba wan ba ar bha kin jam sha ka Final Round ka ban long ha u bnai Naiwieng.
Watla ka dei ka league kaba pynshong nongrim ha ki klob, hynrei ka MFA kan pyndonkam ïa ka IWL 2 kum ka rynsan ban pynkhreh na ka bynta ka jingïashim bynta ha ka National Games ha Meghalaya.
Group C fixtures:
25 October:
Mumbai Knights vs Kemp, 9am
Jakrem vs AIFF TDS, 4pm
27 October:
AIFF TDS vs Mumbai Knights, 9am
Kemp vs Jakrem, 4pm
29 October:
Kemp vs AIFF TDS, 9am
Mumbai Knights vs Jakrem, 4pm
