Barpeta, Nailur 29: Kum shi bynta jong ka jingtohkit halor ka jingsuba don jingiadei bad ki Jihadi, ka jingkhynra jong ka National Investigation Agency (NIA) ha Barpeta district ha ka sngi Ba-ar ka la pynlong ia 6 ngut ki briew ban shah kem.
Hadien ka jingkhynra ha Barpeta Road bad Howly, ka kynhun jong ka NIA, ka la leit ban khynra ruh ia kawei ka iing ha Sorbhog, ha kaba la kem ia lai ngut ki briew, namar ba la suba ba ki don jingiadei bad ki kam jihadi.
Ki lai ngut kiba la shah kem na Sorbhog ki dei kiba la tip kyrteng kum u Faruk Abdullah, Zakir Hussain bad u Chandbar Ali.Baroh lai ngut ki dei ki nongshong shnong jong ka shnong Baguriguri Pathar ha Sorbhog.
Kane ka jingkem ia lai ngut na Sorbhog, ki la pynkiew ia ka jingdon jong ki briew, kiba shah kem ha Barpeta district, ha ka NIA, sha ka 6 ngut, ha kaba arngut ki dei kiba la kem na Barpeta Road bad uwei na Howly.
Ia ki jingwad bniah la pynlong kum shi bynta jong ka jingtohkit kaba kham heh jong ka NIA halor ka network kaba la suba ba ka don bynta ha ka kam ba don ka jiniadei bad ka jingkam na shilliang pud sha u wei pat jong ka ri.Kane ka tnad ka la pynlong ïa ka jingtalasi ba ïatreilang ha ki jaka bapher bapher ha Assam bad kiwei kiwei ki jylla.
Ia ki jingtip ba bniah dang ap halor ki jingkhynra bad ki jingkynnoh pyrshah ia kiba shah kem.
