Shillong, Rymphang 20 : Ka samla Rifiness Warjri, kaba dei ka dkhot ka NCC ka St.Anthony’s College bad 61 Meghalaya Girls Bn NCC, kala shah jied ban kiew ia u Lum Everest.
Ka samla Rifiness ka dei tang ma ka na ki dkhot NCC ka thain Shatei Lam Mihngi (NER Dte) ban shah jied hadien ka jingjop naka jingkiew lum Siachen.
Kane ka jingjop bad ka jingshah jied jong ka, ka kren shibun shaphang ka jingaiti lut, ka jinglah ban shah bad ki jinglah ba kyrpang jong ka.
Kane kan pynshlur shisha ia kiba bun ki khynnah kynthei bad shynrang jong kane ka thain ban iamih na ka rukom im ba suk ha ka ban ialeh na ka bynta ka jingkhraw.
