Shillong, K’Lyngkot 10: 5 ngut ki riew pawkhmat ka Jylla Meghalaya kila shah ban leit shim bynta ha ka Republic Day Parade 2025 ha Kartavya Path, New Delhi, ha ka 26 tarik mynta u bnai.
Kine 5 ngut ki dei lang shi bynta jong ka kynhun ba kyrpang jong ki 35 ngut ki ban mihkhmat iaka thaiñ shatei lammihngi (North East), kiba pyni ïa ki jingnoh synñiang jong ka thaiñ sha ka jingthmu jong ka Swarnim Bharat.
La khot sngewbha haduh 10,000 ngut ki riewpawkhmat na kylleng ka Ri ban wan sakhi ïa ka Republic Day Parade 2025 ha Kartavya Path, New Delhi, ha ka 26 tarik mynta u bnai.
Napdeng kine, 35 ngut ki riew pawkhmat ki dei na ka thaiñ Shatei Lammihngi ba kynthup ia 8 ngut na Assam, 22 ngut na Sikkim bad 5 ngut na Meghalaya la jied kum ki nongmihkhmat sha ka jingnoh synñiang jong ka thaiñ sha ka Swarnim Bharat.
Kine ki nong shah khot kyrpang ki kynthup ïa ki kynthei nongseng kam seng jam, ki nongïoh khusnam National Award, bad ki nongïoh jingmyntoi na ki skhim Sorkar ba pawnam.
La kham jied kyrpang ia ki dkhot jong ki Self-Help Groups (SHG) kiba trei shitom ha ki bynta kum ka jingpynmih haka ioh ka kot, ka jingiada ia ka mariang, ka koit ka khiah, ka jingbam, ka jingkhuid jingsuba, ka jingpyniasoh lang ia ki jaka treikam jong ka Panchayati Raj, bad ka jingpynkupbor ia ki kynthei bad shynrang bad la buh hakhmat eh ia kito ki bym pat ju poi sha Delhi.
Ha ka jingwan jngoh jong ki, kine ki nongwan ba kyrpang kin ym sakhi tang ïa ka jingitynnad jong ka Republic Day Parade hynrei kin leit jngoh ruh ïa ki jaka ba pawnam, kynthup ïa ka National War Memorial bad ka PM Sangrahalay bad kin ïashim bynta ha ki jingïakren bad ki Myntri Sorkar ba kongsan, ban pynjylliew ïa ka jingsngewthuh jong ki shaphang ka pateng jong ka ri India bad ki jingthmu synshar kiba dang ïaid shakhmat.
, kiba pyni ïa ki jingnoh synñiang jong ka thaiñ sha ka jingthmu jong ka Swarnim Bharat){kind=link}