Shah iakhun eksam ka kashari ia ka khynnah ba shah kem namar ka jingkyrshan ULFA

Date:

Share post:

Guwahati, Naitung 14 :Ka kashari ha Golaghat district ka Assam ka la shah ia ka khynnah pule ka Jorhat DCB College 19 snem rta ka ba don hapdeng ka jingshah set phatok ba kan iakhun ia ka eksamin BSc second semester hapoh ka jingkhmih jong ki pulit.

Ka kashari jong u nongbishar ha Golaghat ka la hukum ia u District Magistrate ba un pynkhreh na ka bynta ka jingiashim bynta jong kane ka khynnah pule ha ka eksamin jong ka hapoh ka jingkhmih jong ki pulit, kata naduh ka ba sdang haduh ka ba kut jong ka eksamin.

Ka Kashari ka la hukum ruh ba ia kane ka khynnah pule dei ban wanlam sha ka jaka thoh eksamin khnang ba kan lah ban pyndep ia ka hok ka jong ka bad ban pynphai biang ia ka shapoh phatok hadien ba ka la pyndep.

Kane ka khynnah ia ka ba la tip kyrteng kum ka Barshashree Buragohain ka la shah set phatok naduh u bnai Jymmang ba la dep namar ka jingthep ia ka jingthoh poetry ka ba kyrshan ia ka kynhun seng lehnoh ULFA (I) lyngba ka Facebook.

Ka Barshashree, ka ba dei na ka thain Teok hapoh Jorhat district ka la shah kem noh na Uriamghat ka ba hapoh Golaghat naduh ka 18 tarik u Jymmang ba ladep namar katei ka jingthoh kyrshan ULFA (I) ka ba kyrteng ‘Akou Korim Rashtra Droh’ (hato ki riewialeh sa shisien pat kin ialeh pyrshah ia ka ri).Kane ka khynnah ka la shah pynngat ruh ha ka kyndon ain UAPA.

Ka jingshah kem jong ka Barshashree ka la pynmih ia shibun ki jingpynpaw pyrshah ha baroh kawei ka jylla ha ka ba ki kynhun seng samla pule, ki party liang pyrshah bad ki riew shemphang ki la dawa ba dei ban pyllait noh ia ka mardor.

Share post:

spot_img

Popular

More like this
Related

Iap u Rangbah ba shah thom ha u hati khlaw

Tura, Lber 29: Uwei u briew ula duh ei...

Elekshon Lok Sabha | Khylliap lama ka TMC ha Nongstoin, poi iasoh NPP ki Nongialam

Nongstoiñ, Lber 29: Katba ki sngi ki nang jan...

Pynjlan ka Sorkar ia ka AFSPA ha ki 4 District ka Assam

Dispur, Lber 29: Ka Sorkar Assam kala pynbna ban...

Pynjlan ka Sorkar Pdeng ia ka AFSPA ha Arunachal Pradesh bad Nagaland

Guwahati, Lber 29: Ka tnat Ministry of Home Affairs...