Shillong, Risaw 11: Ka Kynhun ialehkai Cricket ka Meghalaya kala shah pynliem da 28 runs ha ka Hyderabad, ha ka jingialehkai ba nyngkong eh jong ka Senior Women’s T20 Trophy ba long ha Bangalore hynne ka sngi ba-ar.
Ka Meghalaya kala jop ia ka jingkynting pisa bad jied ban apbol nyngkong bad kala lah ban ai kamai run ia ka liang pyrshah tang 92 runs bad shim 7 wicket. Ka jinghap slap kala pynlong ia ki bor pyniaid ban pynialehkai tang 17 over shiliang.
Ka Debasmita Dutta, Captain ka Meghalaya captain, kala ioh ban shim haduh 2 wicket bad ai kamai tang 22 runs katba ka Riticia Nongbet kala shim shi wicket bad ai 11 run, Sejal Raut shim shi wicket bad ai 11 run bad Ajima Sangma kala shim shi wicket bad ai 16 run.
Ha ka jingbeh thong, ka Meghalaya kala hap haduh 2 wicket ha ki ar over hynrei ka Viancy Chaudhury bad ka Anita Lodhi kila iarap ia ka kynhun ban iakhun biang da ka jinglah ban kamai 20 run bad 11 runs, kaba pynioh ia ka jingkamai run paralok ba 27 run hapdeng jong ki.
Ka kynhun kam shym la lah ban beh ia ka run rate ba donkam bad ka khlem lah ban poi sha ka thong.
Ka jingialehkai ba ar jong ka Meghalaya kan long pyrshah ia ka Tripura ha ka sngi Balang. Ka Tripura kala kop ia ka jingiakhun ba nyngkong pyrshah ia ka Nagaland kaba long da 48 runs hynne ka sngi ba-ar.
Ka kynhun ialehkai ka Meghalaya : Debasmita Dutta, Ajima Sangma, Rubi Chettri, Riticia Nongbet, Rebeldalis Syiemlieh, Daiaka E Warjri, Sildamicresha Marbaniang, Avril K Syiem, Eiffelene K Nongkynrih, Neha Hajong, Solina Jaba, Mansi Anand, Vaincy Chaudhary (guest player), Anita Lodhi (guest player), Sejal Raut (guest player).
Support staff: Saranya RS (head coach), Sudesh Pradhan (assistant coach), Priyanka Mondal (strength and conditioning coach), Mary Balahun Sawkmie (physio).
Meghalaya fixtures:
vs Hyderabad, 11 October
vs Tripura, 12 October
vs Andhra Pradesh, 14 October
vs Odisha, 16 October
vs Nagaland, 18 October
vs Mizoram, 20 October
vs Uttar Pradesh, 22 October
