spot_img

Seng ka ITBP ia ka skul hikai halor ki kam iakhun thma ha ki jaka lum

Date:

Share post:

Assam, Naitung 18 : Ka tnat shipai Indo-Tibetan Border Police (ITBP) ha ka sien ka ba nyngkong ka la thaw ia ka jaka aijinghikai halor ki kam iakhun thma ha ki jaka lum hapoh kane ka thain shatei lamihngi (Northeast) jong ka ri India, bad ka dei ka ba ar ha baroh ka ban pyntbit ia ki shipai jong ka ha ki kam iakhun pyrshah ha ki jaka ba kynjang, kata katkum ka kamram ka jong ki na ka bynta ban iada ia ki jaka khappud (Line of Actual Control) bad ka China.

“Kane ka jingpynbit pynbiang ia kane ka skul aijinghikai ka la wan long ruh haduh jan kumba sanphew snem naduh ba la seng ia ka ba kum kane ka skul aijinghikai ba la tip kum ka ‘mountaineering and skiing institute’ (M&SI) kata ha ka snem1973-74 ha Auli hajan Joshimath.

Ka M&SI ka don ha ka jaka ka ba ka jingkynjang ka long haduh palat 9,000 phut ha ki thain jaka lum Himalaya ka Uttarakhand bad ka la aijinghikai ia ki hajar ngut ki shipai ka ITBP, ki shipai ryngkew, ki shipai suin nalor kiwei pat ki tnat pahara bad kane ka long ha ka ba iadei bad ki bynta jong ka sport.

Ia kane ka skul aijinghikai bathymmai la shna ha ka thain ba pajih jong ka Dombang ka ba hajan khappud jong u LAC, bad ka don ha ka kynjang ka ba haduh 10,040 phut hapoh Sikkim ka ba iasam ia ka bynta khappud (LAC) kaba 220 km hapdeng ka India bad ka China.

Ia kane ka jaka aijinghikai ha Sikkim la pynkhreh khnang ban kyntiew halor ka jinglah ban aijinghikai na ka bynta ki dkhot ki ba dang pynrung thymmai bad ia ki bor shipai ki ba la don lypa ha ki kam iakhun pyrshah ha ki jaka lum, ki kam kiew lum, kumno ban lah shan ha ki jaka ba kynjang bad ban pynbiang ia ka jingpahara, kata wat hadien ka jingdonkam ban don sa kawei pat ka jaka aijinghikai nalor ka Auli ia ka ba la sngew donkam mynta la slem bah, kata khamtam hadien ki jingiakynad ba khah khah hapdeng ki bor shipai jong ka bad ki shipai PLA ka China naduh kine ki khyndiat snem ba la dep.

Kane ka jaka aijinghikai bathymmai ka long ka ba kongsan na ka bynta ki shipai khamtam hadien kaj ingiakynad ba khah khah bad ka China.

“Ia kane ka jaka aijinghikai ha Sikkim la plie da u director general ka ITBP u Sanjay Arora ha u bnai Nailur jong ka snem ba la dep, bad ka jingmih na kane ka long ka ba jop hadien ba artylli ki kynhun (batch) ka ba kynhup ia 80 ngut ki nongshah hikai ki la lah ban pyndep ia ka jingai jinghikai na kane ka jaka,” ong u heh shipai.

Ia kane ka jaka la khmih da u Commandant ka ITBT bad u nongkiew lum ba pawnam u Ratan Singh Sonal u ba la lamkhmat ha ki bab un ki jingleit kiew lum bad ki kam pyllait im ha ki jaka lum ba kynjang, ong uwei pat u heh shipai.

Kane ka Combang centre ka don ia ki jaka lum bad ki jaka riat ki ba da ki maw nalor ki jaka aijinghikai ba jur thah ki ba don ha ka kynjang ka ba haduh kumba 14,000-17,000 phut, ong u heh shipai.

Shuh shuh ia kane ka jaka aijinghikai ia mynta hi la shim ba ka dei ka ba shipor, kata katkum ka jingpynpaw da ki heh shipai, bad shen la khmih lynti ba ka tnat ministry of home affairs (MHA) kan mang ha ka rukom ka ba dei khnang ba yn lah ban pynbiang shuh shuh ia ki tiar ki tar, ka jingdonkam staff nalor kiwei pat ki jingdonkam.

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img