Nongstoin, Naitung 26 : Kawei ka khynnah ba 14 snem ka rta, la lap ha u tyllai phasi ha kawei ka jaka khlaw kaba don marjan ka Shnong ba ka sah, ha Tynrong Riangkhon, West Khasi Hills.
Kane ka Khynnah kala jah lah saw sngi eiei bad ki Kmie Kpa kila leit ban pyntip ia kane ka jingjia sha ki Pulit bad pynlong ruh ia ka jingiawad paidbah ban lap ia ka.
Hynrei hynne ka step, ki Pulit kila lap noh ia ka metiap jong kane ka khynnah ha u tyllai phasi na ka khlaw ba don marjan ka shnong.
Ki Pulit kila register case halor kane ka jingjia bad ia ka metiap la pynkit sha Civil Hospital ban pyndep ia ka post mortem. Ka jingtohkit mynta kala iaid shakhmat ban pynthikna ia ki daw ka jingiap.
