spot_img

Sdang sa ka EJHD ban pynpra ia ki karkhana coke be-ain, dep pynpra 2 tylli

Date:

Share post:

Shillong, Naitung 12 : Hadien ka West Khasi Hills, mynta ka sngi sa ka Bor District ka East Jaintia Hills, kala pynpra ia 2 tylli ki karkhana coke ba be-ain kiba la pynieng khlem da ioh ia ka Concent of Established (CTE) na ka Meghalaya State Pollution Control Board (MSPCB).

Kine ki artylli ki karkhana coke beain ki kynthup ia ka M/S Halari Coke Plant kaba don ha Sutnga Elaka, East Jaintia Hills bad ka M/S Shauryansi Coke kaba don ha Wah Samier, Sutnga, East Jaintia Hills.

U Deputy Commissioner ka District A Baranwal u pyntip ba ia kine ki karkhana coke la leit ban pynpra da ka kynhun kaba ialam da u Bah J Shylla, MCS, Additional Deputy Commissioner ha ryngkat ka kynhun ki Pulit na ka Ophis u Superintendent of Police, ka Meghalaya State Pollution Control Board bad ka District Commerce & Industries Centre,
Une u Khliehduh ka District u pyntip ba ia kane ka sienjam la shim haba pyntreikam ia ka Office Order No: EJHD/GENL.261/COKE/Pt.IV/2023/151 ba 7 tarik Naitung, 2023 bad ka Order No: EJHD/GENL.261/COKE/Pt.IV/2023/152 ba 11 tarik Naitung, 2023.

U pyntip ba ia kine ki hukum la pynmih namar ka jingsngew ba kine ki karkhana beain ki lah ban pyrshang treikam sopsop da kaba pyndonkam ia u dewiong ba mih na ka thain, kaba pynshlur pat ia ka jingtih dewiong beain hapoh ka District.

U Deputy Commissioneer u pyntip ba kane ka jingleit pynpra ia ki karkhana coke ba beain kan dang iai bteng haduh kine ki khyndiat taiew ban wan.

Pule lang ia kane: Thung ka Sorkar ia u IAS kum u briew ban rai set ia ki nongkhaii droks

Share post:

spot_img
spot_img

Popular

More like this
Related

Iashimbynta haduh 82 tylli ki skul ha ka jingiakop pyni kolshor | Lahduh ka Army Public School

Shillong, Nailar 09: Ka Ramakrishna Mission Vivekananda Cultural Centre,...

Assam | Kyndang ka Sorkar ia 146 tylli ki Longiing na Negheribil ha Golaghat

Guwahati, Nailar 9: Haduh 146 tylli ki longiing kiba...

Kem ki Pulit Infiltration ia 7 ngut ki nong Bangladesh ba wan phet na Bangalore

Shillong, Nailar 08: Ki Pulit ka Anti Infiltration Check...

Sngew dap ram ka Lower Lumparing ia u Bah Sanbor ba pynioh bun ki kam pynroi

Shillong, Nailar 09: Ka Dorbar Shnong Lower Lumparing kala...