Shillong, Naitung 12 : Ka Sorkar Jylla kala thung ia u Secretary ka tnad kam pohiing (Police) Bah R Rapthap kum u briew ba la pynkup bor ban pynmih ia ka hukum ha ka ban set ban khanglad ia kino kino ki briew (kynthup ki Nongwei) ba kin iadon bynta ha ki kam khaii ia u droks bad kiwei ki jingdih pynbuaid.
Kane ka long kat kum ka jingpynbna bala pynmih da u Chief Secretary ka Jylla Bah DP Wahlang ha ka 7 tarik u Naitung.
Kat kum ka jingpynbna la ong “ Ha ka jingpynkylla ba khyndiat khyndiat ia ka jingpynbna ka Tnad ba 20 tarik Nohprah, 2020 bad kat kum ka bor bala pynkup da ka sub section (1) jong ka section3 jong ka Prevention of illicit Traffic in Narcotics Drugs and Psychotropic Act, 1988, u Lat ka Jylla u sngewbha ban pynkupbor ha u Bah R Rapthap, Secretary ka Sorkar Jylla, Home (Police) ban long u briew bala pynkup bor ban pynmih ia ka hukum set haba iadei bad kino kino ki briew (kynthup ki nongwei) da ka jingthmu ban khanglad ia kine ki briew ba kin don bhynta ha ka jingkhaii ia u droks bad kiwei kiwei ki jingdih pynbuaid, naduh mynta tad haduh da pynmih da kawei pat ka hukum”.
Pule lang ia kane: Iakhih jar jar ka MPCC ba shah mait kyrteng u Rahul Gandhi kum u MP ka Lok Sabha
