Guwahati Lber 01: Hadien ba u Myntri Kam Pohiing ka ri u Amit Shah ula pynbna ban pyntreikam noh ia ka Citizenship Amendment Act (CAA) shwa ka elekshon Lok Sabha, kane kala pynlong ia kiba bun ki kynhun ha kylleng jong ka Jylla Assam ban pynlong ia jingiakhih ban pyrshah jur ia ka CAA.
Ha ka sngi Palei, 10 ngut ki dkhot jong ka Krishak Mukti Sangram Samiti bad Satra Mukti Sangram Samiti kila shah bat hapoh Dhubri, Tinsukia bad Hailakandi district halor ka jingpynlong ia ki jingiakhih.
Kila don 5 ngut ki nongialam kiba la shah bat ha ki pulit jong ka Hailakandi bad ia kine la pyllait noh hadien.
Nalor kane, 4 ngut ki nongialam jong ka KMSS kila shah bat ha Tinsukia District bad ia kine yn sa pyllait noh.
Ha Guwahati ruh, ka KMSS kala pynlong ia ka jingiakhih da kaba shong kyllaiñ mungor ban pyrshah jur iaka CAA.
Ka jylla Assam kala sakhi ia kiba bun tylli ki jingiakhih hadien ba ka CAA kala kylla long aiñ ha u Nohprah 2019.
Ka jingsdang biang ia kitei ki jingiakhih ban pyrshah ia ka CAA hapoh ka Assam, ka pyni ia ka jingiai bteng jong ka jingiakhun ki paidbah ban ialeh ban pynneh pynsah ia la ka jinglong tynrai ha ka riti ka dustur.
 shwa ka elekshon Lok Sabha, kane kala pynlong ia kiba bun ki kynhun ha kylleng jong ka Jylla Assam ban pynlong ia jingiakhih ban pyrshah jur ia ka CAA.){kind=link}