Hapoh 15 sngi yn thaw noh ia ki Regional Committee
Guwahati, Nailar 21: Ki Myntri Rangbah ka Jylla Meghalaya bad Assam kila sdang hynne ka sngi U Blei ia ka wat ba-ar jong ka jingiakren ban pynbeit noh sa ia pud u sam jong ki hynriew tylli ki jaka iakajia ba dang sah, kiba kynthup ia ka Langpih bad ka Block-I bad Block-II.
The 2nd phase of Border Talks between Assam & Meghalaya has commenced to resolve the remaining 6 areas of differences- Khanduli & Psiar, Block 1 & Block 2, Borduar, Langpih, Nongwah- Mawtamur & Desh Doomreah.@narendramodi @AmitShah @himantabiswa pic.twitter.com/y2TW9gi2dU
— Conrad Sangma (@SangmaConrad) August 21, 2022
Kine ki arngut ki Myntri Rangbah Conrad K Sangma bad Himanta Biswa Sarma, kila iakynduh hynne ka sngi ha Guwahati ban iaphylliew jingmut ia ki sienjam ba dei ban shim ha kaban lah iapynbeit ia u pud u sam jong kine ki jaka kiba jur eh ka jingiakajia, kaba la neh da ki phew phew snem.
Ki hynriew tylli ki jaka kiba don ha ka thup jong ka wat ka ba-ar ka jingiakren pud ki kynthup ruh ia ka Khanduli &Psiar, Borduar, Nongwah-Mawtamur bad ka Desh Doomreah.
Haba iakren bad ki lad pathai khubor, u Myntri Rangbah ka Jylla Conrad Kongkal Sangma ula pyntip baki artylli ki Jylla kila mynjur ba ki Sorkar na baroh ar jylla kin sa thaw noh ia la ki jong Regional Committee ban khlieh da ki Myntri Sorkar kum ki Chairperson.
La rai ba ia kine ki Reginal Committee yn sa thaw noh hapoh ka 15 sngi naduh mynta ka sngi. Nalor kane, la pyntip ba ki Dkhot ka Karbi Anglong Autonomous Council (KAAC) kin iadon bynta lang ha kine ki Regional Committee.
“Ngi la rai ban kynthup ia ka Karbi Anglong District Council namar kane ka Council ka don ha Block-I bad II bad Khanduli & Psiar. Ta ka daw ki Dkhot na ka Concil ka Karbi Anglong ruh kin don bynta lang ha kine ki Committee” ula ong.
Once the RCs are formed, site visits & public consultation will also be initiated. In order to give confidence to the people & in the spirit of commitment to resolve our border issue, HCM of Assam @himantabiswa & I will make visits to some of the areas.@narendramodi @AmitShah pic.twitter.com/h5ImVaLkIB
— Conrad Sangma (@SangmaConrad) August 21, 2022
“Hadien ba ngi la dep thaw ia ki Regional Committee, ngin sa pynsdang ia ka jingleit jurip ia ki jaka ba iakajia bad ngin sa iasyllok ruh ia ki paidbah jong kine ki shnong” pyntip u Conrad.
“Khnang ban ai mynsiem ia ki paidbah bad da ka mynsiem ban pyni ia ka jingkut jingmut shisha ban pynbeit noh ia u pud u sam, u Myntri Rangbah ka Assam Himanta Biswa Sarma bad ma Nga (Conrad K Sangma), ngin sa leit jngoh ia ki katto katne ki jaka” ula bynrap.
Haba phai pat sha ki hynriew tylli kiba la dep iapynbeit ha ka wat kaba nyngkong, u Conrad ula iathuh ba ka sorjamin ka dang iaid shakhmat mynta bad ka jingphiah ia u pud u sam ruh kan sa sdang noh.
“Baroh artylli ki Sorkar (Assam-Meghalaya), kila pyrshang katba lah ban lah pyndep noh ia ka sorjamin” ong u Conrad.
