Shillong, Iaiong 21: Ka All Meghalaya Karate-Do Association (AMKA) hynne ka sngi ka la sdang ïa ka jinghikai pyntbit iaki nongialehkai Karate (sparring) ha Mawkhar.
Iaka jingshah hikai pyntbit la wan sakhi da u Pranay Sharma uba la rah iaka nam lahduh haduh 7 sien kum u National Champion ha ka ri bad uba la jop ruh ïa ka takma ksiar ha ka Commonwealth, South Asia, World Karate Federation (WKF) Series A bad Khelo India.
Kane ka sienjam kaba kongsan ban kyntiew ia ka karate ha ka Jylla kaba la sdang na Mawkhar Dorbar Shnong Community Hall kan neh haduh ka 26 Iaiaong ha kaba palat 60 ngut ki samla kin ioh shah hikai pyntbit ha ka jingialehkai karate.
Ha kane ka jingplie paidbah ïa ka jinghikai pyntbit iaki nongialehkai Karate la don lang u Assistant Rangbah Shnong ka Mawkhar bad u President ka Mawkhar SC u Bah Ransom Sutnga lem bad ki dkhot jong ka AMKA.
 hynne ka sngi ka la sdang ïa ka jinghikai pyntbit iaki nongialehkai Karate (sparring) ha Mawkhar.){kind=link}