Shillong, Iaiong 21: Ka khasi students’ Union (KSU) War Jaintia Circle, ka dap daka jingsngew khia kaba jur haba ioh jingtip ba ki don katto katne ki dalal kiba thmu ban pynrung tuh iaki nong Bangladesh sha poh ka ri-lum Khasi-Jaintia.
Katkum Ka kyrwoh, u General Secretary samla Platini Mukhim u la pynpaw, Ka Seng haka jingiakynduh kyrkieh kala shim iaka rai ban wad bad pynshitom da kaba tyngeh ia ki dalal kiba long ki nong die ri kiba shim kabu ban kamai pisa jubor khlem da khein shuh ia ka jingma ba ap ia ka jaitbynriew namar naka jingwan buhai shnong ki poi ei na ri Bangladesh.
Ka seng lada ka lap ia kum kine ki jaid briew kan ym map da lei lei ruh watla da dei da kino kino ki lynti ruh kam salia.
ka seng ka khot ka wer lang iaki paidbah jongki thain khappud lada ki lap kum kine ki jaid briew ki dei ban ai jingtip noh mar mar sha ka seng khnang ba kan ioh leh ia kaba donkam.
Ka la kyntu ruh ia ki paidbah nongshong Shnong ban ai iaka jingiatreilang bad ka seng naka bynta ka jingshngain ka ri bad ka Jaitbynriew.
