Shillong, Jymmang 10: Ka Meghalaya ka la ialehkai bha ha ka sngi sdang jong ka lympung ïalehkai phutbol Swami Vivekananda U-20 Men’s National Football Championship 2026 da kaba jop ïa ka Bihar da 3-1 ha Narainpur, Chhattisgarh mynta ka janmiet.
U Samborlang Langte (20’) u la buh ïa ka Meghalaya shakhmat da kaba u la ioh ban pynkhih jar lyngba ka ball ba u shut na jngai ha ka jingïakhun ha ka Group A bad shwa ba ka Bihar wan phai biang, u Menangpyndap Khongjee (26’) u la thep goal bad rah artad ia ka jingjop hadien katto katne minit.
Ka Bihar ka la ioh lad ban thep ia kawei ia kawei ka goal tang khyndiat por ba sdang ka kylla miet da u Md Sadique Rahman (48’).
Watla ki don hapoh ka jingialeh, hynrei ka Meghalaya ka la pynneh beit ha ka jingiakhun bad u Menangpyndap (90’+6) u la thep ïa ka kol kaba ar ha ka por ha shwa ban kut noh ka por.
Ka Meghalaya ha kawei pat ka sien ialehkai kan iakynduh sa bad ka Jharkhand ha ka step sngi Nyngkong ha ka por 7:30am.
