Shillong Nailur 07: Ka DUBAKH Sports Pvt. Ltd., kala plie pyrda ia ka lympung iakob ialehaki jong ka Inter School Basketball Tournament 2025 ha ka sngi Saitjain, ha Pearly Dew Higher Secondary School, Shillong.
Ha kane ka sngi sdang kila don 5 tylli ki jingiakhun kiba la shongshit hapdeng ki khynnah skul kiba la pyni ia la ka sap ka phong ha ka jingialehkai Basketball.
Ia kane ka jingiakob la plie pyrda da u General Secretary ka Meghalaya Basketball Association u Bah Wallambok Iawphniaw ha kaba la iadonlang ki nongialam jongka East Khasi Hills District Basketball Association bad kiwei kiwei kiba la kitbok bad ai mynsiem ia ki khynnah shynrang kiba iashimbynta ha kane ka jingiakob ialehkai.
Ka Mizo Modern H.S.S kala pynrem iaka Mawkhar Christian H.S.S da kaba kamai 39 point la 13 point, ka Jaiaw Presbyterian H.S.S kala pynrem ia ka St. Edmund’s School da 3 point da kaba kamai 46 la 43 point.
Ka Pearly Dew H.S.S kala pynrem ia ka Shillong Public School da kaba kamai 34 – 23 point, ka Little Flower H.S.S kala pynrem ia ka Dinet Manik Memorial H.S.S da kaba ioh 36 la 29 point bad ka St. Edmund’s School kala pynrem ia ka Mizo Modern H.S.S da kaba shi point, ka St Edmunds kala ioh 39 point katba ka Mizo Modern kala ioh 38 point.
