Shillong, K’Lyngkot 30: Ka eksamin Secondary School Leaving Certificate (SSLC) 2026 jong ka Meghalaya Board of School Education (MBOSE) kala sdang ha ka sngi Thohdieng ha baroh kawei ka Jylla bad kane ka eksam kut haka 11 tarik Rymphang.
Ha ki jaka thoh eksamin ha kylleng ki jaka la iohi ba ki samla pule kila ia poi kloi bad ki ialeh katba lah ban pule pyndep iaka subject thoh eksamin ba nyngkong-kata ka English bad naka liang ki bor pyniaid eksamin kila shim iaki sienjam ban pynthikna ia ka jingiaid beit iaid ryntih ka eksam.
Mynta u snem ïa ka eksamin SSLC la pynlong kham kloi lada nujor bad ki snem ba la dep kum shi bynta ban pynïahap ïa ka por thoh eksamin bad ka por ban sdang thymmai iaka Academic Calendar.
Kane kan ailad ruh iaki khynnah skul ki bym lah ban Pass iaka eksamin ha ka jingpyrshang ba nyngkong bakin ioh ka lad ban iakhun biang iaki sobjek ba kim pass lyngba ka eksamin Supplementary .
Ka Supplementary Examination ia kaba la pyntreikam ha u snem ba la dep, ka ailad ia ki khynnah ban thoh biang ia ki sobjek ba kim pass haka eksamin ba nyngkong khlem da donkam ban ap sa shisnem.
Kat kum ka por bala buh ban thoh eksamin, ka subject Science kan long haka 2 tarik Rymphang, Health and Physical Education/Computer Science/Vocational Subjects haka 4 tarik, Social Science haka 6 tarik, Mathematics/Special Mathematics haka 9 tarik, Indian Languages/Additional English haka 11 tarik Rymphang.
 2026 jong ka Meghalaya Board of School Education (MBOSE) kala sdang ha ka sngi Thohdieng ha baroh kawei ka Jylla bad kane ka eksam kut haka 11 tarik Rymphang.){kind=link}