Shillong, Naitung 15: Ka Ophis District Medical & Health Officer (DMHO) ka East Khasi Hills kala pynsdang ia ka jingai injek covid-19 ba khlem ka jingsiew, ka ban neh 75 sngi lynter, kum shibynta jong ka jingrakhe ia ka Azadi ka Amrit Mohatsav.
Kane ka jingai injek bala tip kum ka Covid Vaccination Amrit Mohatsav, ka dei ka jingai injek ia u dawai iada (precautionary dose) na ka bynta ki Khynnah 18 snem shajrong. Ia kane ka prokram la ot ribbon hynne ka sngi thohdieng ka 15 tarik Naitung, ha Rynjah State Dispensary, Shillong da u MLA ka thain Bah Charles Pyngrope.
Lah ban kdew hangne ba u dawai iada (precautionary dose) u dei uba la ai ei ha kino kino ki jaka sumar ka sorkar Jylla, kaba la mang ia ki khynnah ba 18 snem shajrong bad kiba la pyndep ia ka 6 bnai lane 26 taiew hadien ka jingai injek ia u 2nd dose.
