Shillong, Nohprah 23 : Ka Meghaya ka la jam sha ka wat iakhun kaba pura (final round) ka lympung ialehkai jong ka the Senior Men’s National Football Championship for the Santosh Trophy 2025-26 bad kane ka la wan hadien ba ka la lah ba kan pynliem da 2-1 ia ka Arunachal Pradesh ha ka jingiakhun ba khatduh jong ka Group E, kaba la long hynne ka janmiet ha SSA Stadium, First Ground, Polo.
Ka Meghalaya ka rung sha kane ka jingiakhun da kaba ka donkam ia ka jingjop bym duna ia ki ar kol, ha kaba kine baroh ki la urlong ha baroh ki minit jong kane ka jingiakhun, kaba wat hapdeng ka aiom jong ka tlang, hynrei u paid nongkyrshan ba shitrhem, u la wan ban ai mynsiem bad ban sakhi ia kane ka jingiakhun.
Ia ka kol ba nyngkong ka Meghalaya la thep ia ka da u Shano Tariang (67′), hadien ba u la ioh ban pyndei (head) da la ka jong ka khlieh ia ka bol, kaba long tang hapdeng saw minit ba u la ioh ba un rung madan iakhun, katba ka kol kaba ar, la thep ia ka da u Apborlang Kurbah (74′), katba ia ka shi kol ka Arunachal la thep ia ka da u Midul Doley (83).
Ha kaba kut, lai tylli ki jylla na kane ka group ki la ioh ba kin ia khur mar lai point ha kaba ka goal difference ka long beit mar kumjuh, hynrei ka Meghalaya kaba la jam shakhmat na kane ka jingiakhun ka jia long tang hadien ba ka la ioh ba kan thep haduh lai kol, na ki arsien ialehkai lada ia nujor ia ka Sikkim bad Arunachal kiba la ioh ban ia thep mar ar kol.
Marsein ia sdang ka jingiakhun, ka Arunachal ka la ioh ia ki kabu ksiar ba paka ban ioh pynkhih ia ka jar lyngba u Tagru James uba la ioh ban pyndei ia ka bol da laka jong ka khlieh ban pynkhih ia ka jar, ia kaba la niew ba ka dei noh ka offside, hadien kane u Midul u la khyrwit jam bha ia ka bol kaba la dei ia ka dieng kol.
Na ka liang ka Meghalaya, ki la wan sha ka ki kabu ksiar ban pynkhih ia ka jar, hynrei kaba kut hi ka long ba ki player ki jong ka kim shim la lah ban pynurlong pura pat ia ki bad ka kylla step kan kut shwa ba ki ar kynhun kin iakhaid khlem pat don mano mano ban pynkhih ia ka jar.
Haba wan ban bteng ia ka kylla miet, ka Arunachal, ka la pyrshang ban shu iakhun tang ban iakhaid, namar kane kan jin da la biang pura ia ka ban jam shakhmat, katba na ka liang ka Meghalaya, kaei ba ka donkam ka long beit ban the pia ki artylli ki kol, kaba hangne hi marsien ia sdang, ki rang ka Meghalaya, ki la nion borbah ia ka kut ialehkai jong ka Arunachal, kaba sdang ban pynrah mynsiem ia paidbah nongkyrshan ki jong ka.
Hadien kane, u bah Khlain Pyrkhat Syiemlieh kum u coach, u la wanrah ia ki jingkylla ha ka kynhun bad kane ka long ba ha ka minit ba 63 u la rai ban pynrung madan ia u Shano Tariang bad kumjuh ia u Dawanchwa Challam ha ka jaka ka jong u Deibormame Tongper bad Riborlang L Lyngkhoi bad kumjuh ban pynshong noh ia u Babysunday Marngar bad ban pynrung bujli pat da u Fairming Suting
Kine ki jingkylla ki la pynkylla ia ka ka dur ka dar jong ka rukom ialehkai ka Meghalaya kaba pynlah syndon ia ka ban da ioh ban thep ia kine ki artylli ki kol.
Kumta kane ka jingjop ka long ka jingai sngewbha Khristmas bad Snem Thymmai ki player ia la u paidbah nongkyrshan u jong ka bad kaba sah pat nangne shakhmat hi ka long ia ka jingpynkhreh pat ia ka wat iakhun bva khatduh, kaba hangne ka jingtynjuh borbah ia kane ka kynhun ka long ban khreh ban iakynduh pyrshah ia kiwei pat ki jylla kiba la lah ban jam lem sha kane ka wat iakhun nak abynta ban iaknieh ban rah ia ka nam kum ki lahduh.
Ha kaba kut kane ka jingiakhun, u President bad Secretary ka Meghalaya Football Association bah Hamletson Dohling bad Sunesh M. Syiem ki ai khublei ia ki player kiba la lah ban jop ia kane ka jingiakhun bad ban jam shakhmat na kane ka group.
 ka lympung ialehkai jong ka the Senior Men’s National Football Championship for the Santosh Trophy 2025-26 bad kane ka la wan hadien ba ka la lah ba kan pynliem da 2-1 ia ka Arunachal Pradesh ha ka jingiakhun ba khatduh jong ka Group E, kaba la long hynne ka janmiet ha SSA Stadium, First Ground, Polo.){kind=link}