Nongstoin, Nailar 23 : Ka Sorkar Jylla lyngba ka Ophis u Deputy Commissioner, kala sam ia ki M-Tab jong ka Chief Minister’s Digital Learning Aid scheme, sha ki 1467 ngut ki samla pule ka West hasi Hills District kiba pule klas XI.
Ia kane ka jingialang ban sam ia ki M-Tab la pynlong hapoh Trysem Hall jong ka Ophis u Deputy Commissioner bad la pyn shongkun ia ka da ka jingiadonlang u MLA ka Nongstoin Bah Gabriel Wahlang kum u Kongsan ha ka jingiadonlang ryngkat u Bah HK Thabah, Additional Deputy Commissioner ka West Khasi Hills, u Superintendent of Police bad kiwei kiwei ki Heh Ophisar.
Haba ai jingkren, u Bah Gabriel Wahlang ula pynpaw ia ka jingsngewnguh ia ka Sorkar Jylla halor ka jingsam ia ki M-Tab sha ki samla pule bad ong ba kane ka long kum ka jingpyn pun mawjingkieng ia ki samla pule ba kin nang kiew shakhmat ha ki jingpule jong ki.
“Ka juk technology kala kiew sted bha, ka technology kaba pynbha bad pynjot, ka technology kala pynriewspah bad pynduk bad baroh ka shong ha ka jingnang ban pyndonkam ia ka” ula ong haba kyntu ia ki samla Pule ba kin pyndonkam hok ia kine ki kor bala sam da ka Sorkar na ka bynta ka jingpule khnang ba kin lah ban nang pynproh iaka jabieng.
“Nga kyntu jur ia baroh ki khynnah ba ki dei ban tip bad husiar haba ki pyndokam ia ki teknologi jong kane ka juk, la ka dei ia ka kor computer, mobile tablet, mobile phone bad kiwei kiwei, khnang ba kan wanrah jingiohnong na ka bynta jong ki, ym ban wan rah jingduhnong la kadei bad ka pule ka puthi ne ka jingim ba man ka sngi”, u la bynrap.
Pule ruh: Ym kut satia u pud ba ka India kam lah ban poi : ong u Conrad halor ka Chandrayaan Mission
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
