Shillong, Jylliew 22: Ka President ka ri India ka Droupadi Murmu hynne ka sngi kala pynkup burom daka National Florence Nightingale Awards iaka Nurse napoh ka jylla ka kong Reliance Pyrngap.
Ia kane ka khusnam National Florence Nightingale Awards 20222-2023 la sam ha ryngkat bad kiwei ki Nurse jong ka ri India haka prokram bala long ha Rashtrapati Bhavan New Delhi.
Ka kong Reliance Pyrngap na Meghalaya kaba la shakri 35 snem tam kum ka Nurse hapoh ANM bad LHV hapoh ka Saipung Primary Health Centre bad mynta ka trei kum ka Nurse hapoh ka Sunga Community Health Centre, East Jaintia Hills, Khliehriat, Meghalaya.
Ka kong Reliance ka dei ka Nurse kaba trei shitom bha iala ka kam bad kala don bynta ban iarap iaki longkmie ba kha khun bad kala pyntbit ialade da ka ba shim bynta haki jingshah hikai pyntbit kum ha ki CNE programs la kadei ha National, State bad haki District levels.
Haba pynpaw ka jingkmen halor ka jingshah pynkupburom bad ka President ka Ri India, ka kong Reliance kala ong “Nga dap daka jingkmen haba iadei bad kane ka jingithuh naka liang ka sorkar iaka kam ba nga trei hoid watla ka eh ban pynbiang baroh 100 percent haka kam hynrei kane kam khanglad ia nga ban nang trei bha shuh shuh bad dei namar kane nga la shah pynkupburom da kane ka khusnam”.
“Nga kwah ban kyntu iaki para ba iatreilang ban bteng ka jingtrei shitom namar baroh kiba trei shitom kin ioh kheit ia u soh ka jingjop namar kane ka kam ba ngi trei ka long kaba donkam bha iaka imlang sahlang” la ong ka kong Reliance.
Ka kong Reliance ka ai khublei iaka sorkar pdeng bad ka sorkar Meghalaya halor ka jingjied iaka ban ioh iaka khusnam bad kala ong “Kane ka sorkar kala ithuh iaka jingtreishitom jong nga haka kam”.
Kumban shu kdew ba iaka khunsnam ‘National Florence Nightingale Award’ la thaw daka tnat Ministry of Health and Family Welfare ka sorkar pdeng ha u snem 1973 kum shi bynta ban ithuh iaki Nurse kiba trei naka bynta ka bha ka miat ka imlang sahlang.
Pule lang ia kane: Kyntait ki Nongkhaii doh syiar ia ka khubor ba don jingpang syiar ha Jylla
