Nongpoh, Jylliew 22: Uwei u samla na Ri-Bhoi ula ioh ia ka khusnam da ka kali Maruti Baleno namar ka jingjop ia ka Dhan Dhana Dhan Contest bala pynlong da ka Jio Cinema halor ka lympung ialehkai cricket Indian Premier League (IPL).
Une u Samla u kyrteng u Fleming Khymdeit na ka shnong Umjarasi, uba la jop ia kane ka jingiakop ha ka jingiakhun kaba long hapdeng ka Delhi Capital pyrshah ia ka Punjab Kings, kaba long ha ka 17 tarik u bnai Jymmang.
Ki nongpyniaid ka Dhan Dhana Dhan kila pynpoi ia kane ka kali hapoh ka Rani Motor Showroom, Nongpoh bad la aiti ha une u samla mynta ka sngi ka 22 tarik u Jylliew.
U samla Fleming Khymdeit, u la pynpaw ïa ka jingkmen kaba khraw ban ïoh pdiang ïa ka khusnam kaba u la jop na katei ka rynsan jong ka Dhan Dhana Dhan JioCinema hadien ba u la shimbynta ban jubab ïa ki katto katne ki jingkylli hashwa ban sdang ki over lehkai jong ka IPL.
Pule lang ia kane: Kyntait ki Nongkhaii doh syiar ia ka khubor ba don jingpang syiar ha Jylla
