Shillong, Jylliew 23 : U Chief Executive Member (CEM) ka KHADC Bah Pyniaid Sing Syiem hynne ka sngi Thohdieng ula sam dohkyndang ia ki Dkhot ka Executive Committee ka KHDF, haba bat halade ia ka Pla tyngka, GAD, Posting & Transfer, Establishment bad kiwei kiba khlem ai sha ki EM.
“Ngi la sam ia ka bhah kam hadien ba u Lat ka Jylla ula ai ka jingmynjur ia ka thup jong ki Executive Member (EM)” ong u Bah Pyniaid haba iakren bad ki nongthoh khubor.
Arngut ki MDC ka Congress kata u Bah PN Syiem uba la shah thung kum u DyCEM ula ioh khmih ia ka tnad Elaka, Law & Legal Matters, katba u Bah Carnes Sohiong ula ioh bat ia ka Tnad Development bad Education.
Ki 8 ngut ki MDC ka NPP kila ioh ia ka dohkshong ha kane ka jingsam bhah.
Ka Kong Grace Mary Kharpuri kala ioh khmih ia ka Market (Council market bad kiwei ki Iew), Information & Technology katba u Victor Ranee ula ioh bat ia ka Arts & Culture, Health & Sanitation, Labor Clearance Certificate bad Fisheries.
U Bah Gigur Myrthong ula ioh bat ia ka tnad Trade bad Enforcement Wing.
Kiwei pat ki EM-Bah Rangkynsai Kharbuki ula ioh bat ia ka Council Building, Council Assets, Marriage & Divorce, Bah Teiborlang Pathaw ia ka Land & Building Byelaws, Alvin K Sawkmie ia ka Revenue Collection bad Planning katba u Bah Fantin J Lakadong ula ioh bat ia ka Taxation, Water Resource bad Mines & Minerals.
“…Ka kam ba iadei bad ka jingthungkam, ka jingpynkynriah kam bad ka jingbhah kam ia ki Ophisar ha baroh ki Tnad kan shong ha ka kti jong u CEM” ong u Bah Pyniaid.
Pule lang ia kane: Shong bishar u CM ia ka kaiphod ki Engineer bad Contractor ba twa ka kynroh ka PA Sangma Stadium
” ong u Bah Pyniaid haba iakren bad ki nongthoh khubor.){kind=link}