Shillong, Iaiong 08 : U Myntri Rangbah ka Jylla Conrad K Sangma ha ka sngi Ba-ar, ula pyntip ba sa 11 ngut ki nongtih par kila pynbiang nadong hadong ban ioh ia ka jingbit ha kaban tih dewiong kat kum ka jingstad saian hapoh ka Jylla.
Haba iakren bad ki nongthoh khubor, u Conrad u iathuh ba lai ngut ki nongtih par kila dep ioh ia ka jingbit ban tih dewiong bad kila sdang ruh ia ka ban sei dewiong haba bynrap “Don katto katne ki kam ba dang sah haba iadei bad ka jingkhaii ia u dewiong hynrei ka jingtih kala sdang kat kum ka jingstad saian bad ka Coal Ministry kala iohi ia kane bad kala sngewhun ia ka kam”.
“Kat kum ki jingtip ba dang shu ioh, sa 11 ngut ki nongtih par kin sa ioh noh ia ka jingbit ban tih dewiong. Ngam tip bha ia kaei kaba long mynta hynrei tang ha ka shibnai ne arbnai, ngin sa iohi sa 10-11 ngut ki nongtih par kin sa ioh jingbit ban tih dewiong kat kum ka jingstad saian. Kine ki kham bun na East Jaintia Hills bad West Khasi Hills” ula bynrap.
