Shillong, Nailar 31 : Uwei u runar ula leit rung tuh hapoh ka Iing ha Riatsohkhlur, Block-10 ha Nongkseh, Upper Shillong bad khung ei ia ki jingdeng ksiar bad ka pisa ba T.10,000 katba i trai i dang leit iaid kai step ha ka sngi U Blei.
Ine i longkmie I dang mih nala iing mynstep ban leit iaid kai step. Haba shim kabu ia ka jingbym don ma i, u briew ula leit rung tuh hapoh ka Iing bad khung ei ia ki jingdeng ksiar bad ka pisa.
Ia kane ka kam tuh la lap da ine i longkmie hadien ba i wan phai sha iing bad shem ba ki jingdeng ksiar bad ka pisa jong i, kila jah na iing.
Ka video CCTV ka pyni ia u briew uba rung shapoh ka Iing bad iaid swait ia baroh sawdong ka iing. Hadien la iohi ba ula mih na Iing bad ki tiar ba u tuh.
Ia kane ka jingjia la pyntip noh sha ki Pulit bad la ujor da ka ejahar.
Ki Pulit ki dang bishar ia ki video CCTV bad lum ia ki sakhi satar ban lapdien ia une u runar.
