Shillong, Nailar 31 : U Nongialam ka Liang Pyrshah bad Nongialam ka TMC Mukul Sangma ula ong ba ka Bharatiya Janata Party (BJP) kala trei shitom ban khring ia ki MLA na kiwei ki party ba kin wan iasoh hynrei ym don uwei ruh na ki MLA ka TMC ban leit.
Kane ka jingkynthoh kala mih hapdeng ka khubor ba khyndai na ki khat-ar ngut ki MLA ka UDP kila pynkhreh ban iasoh bad ka BJP, bad katto katne ngut ki MLA ka TMC ruh ki thmu ban iasoh hadien.
Haba kylli halor kane,uMukul ula ong ba ka BJP kala pyrshang ban khring ia ki MLA na kiwei ki party kum ka jingpyrshang ba khlem sangeh jong ka.
“Peit, kine ki dei ki kam ba iai bteng. Ka BJP kala trei shitom ban ioh ia ki MLA bad lada phi iohi ki MLA kilah ban leit na kano kano ka party hynrei ym na ka jong nga” ong u Mukul.
Ula iengskhem ba yn ym don uwei ruh u MLA na ka TMC ban ieh ia ka party bad iasoh sha ka BJP haba kiar ban kynthoh ia kaei kaba jia ha kiwei ki Party.
Ha kajuh ka por, kat haduh mynta ym pat don satia kano kano ka jingpynthikna na ka UDP ne ka BJP haba iadei bad ka khubor ka jingleit iasoh ki khyndai ngut ki MLA ka UDP.
Ka khubor ba lah ban don ka jingleit iasoh ki MLA ka UDP kala pynmih ia ki jingpyrkhat ba bun rukom ha ka jylli sain pyrthei ka Jylla hashuwa ka elekshon shiteng samoi ka Shillong Lok Sabha bad ka elekshon MLA 2028.
 kala trei shitom ban khring ia ki MLA na kiwei ki party ba kin wan iasoh hynrei ym don uwei ruh na ki MLA ka TMC ban leit.){kind=link}