Shillong, Jymmang 04 : Ka Meghalaya Board of School Education ha ka sngi Nyngkong, kala pynbna ia ka result jong ka eksam Higher Secondary School Leaving Certificate (HSSLC) bad ka Don Bosco College, Tura kala wan hakhlieh duh ha ka Science stream, ka St. Mary’s Higher Secondary School, Shillong bad St. Edmunds Higher Secondary School, Shillong kila lamkhmat ha ka Arts bad Commerce stream.
Ha ka Science stream, Dechro M Marak jong ka Dos Bosco College, Tura, ula ioh ia ka kyrdan ba hakhlieh duh da ka jingioh 472 marks.
U Amos Chinminlun ka St.Anthony’s Higher Secondary School, Shillong ula wan ba-ar da ka jingioh 470 marks, bud sa u Vishal Rai ka Laban Bengalee Boy Higher Secondary School, Shillong ha ka kyrdan b alai da 464 marks.
Ka Science stream kala sakhi ia ka jingpass ki khynnah ba kot haduh 83.70%, ha kaba 3,124 napdeng ki 3732 ngut ki kyrtong kila pass ia ka eksam na ki 70 tylli ki centre.
Ka South West Garo Hills ka kot haduh 100% kiba pass, bud sa ka West Khasi Hills kaba kot 95.78% bad ka West Jaintia Hills ba kot 93.50%.
Ha ka Arts stream, ka Maghashree Roy jong ka St. Mary;s Higher Secondary School, Shilllong kala ioh ia ka kyrdan ba nyngkong da 457 mark. U Joziah Daman Laloo bad Nakisakahuni M Pakyntein, kiba dei na St. Anthony’s Higher Secondary School, Shillong kila ioh ia ka kyrdan ba-ar bad ba-lai da ka jingioh 452 marks bad 446 mark.
Haduh 20,882 napdeng ki 23,559 ngut ki kyrtong kila pass ia ka eksam bala pynlong ha ki 113 tylli ki centre, kaba ka jingpass ka kot ia ka 88.63%.
Ka East Khasi Hills bad Eastern West Khasi Hills ki dei kiba don bun eh kiba pass kaba kot haduh 96.20%, bud sa ka West Khasi Hills ba kot 94.94% bad ka West Jaintia Hills ba kot 92.98%.
Ha ka Commerce stream, ka Priya Ghosh jong ka St. Edmund’s Higher Secondary School, Shillong kala ioh ia ka kyrdan ba nyngkong da ka jingioh 458 marks.
Ka Ankita Das bad Rashika Debnath, kiba dei na St.Anthony’s Higher Secondary School, Shillong, kila ioh bat ia ka kyrdan ba-ar bad ba lai da ka jingioh 453 bad 452 marks.
Ka jingdon jong kiba pass ha ka Commerce stream ka kot 87.49%, ha kaba 2155 na ki 2463 ngut kila pass ia ka eksam na baroh ki 58 tylli ki centre.
Ka East Jaintia Hills kala wan hakhlieh duh napdeng ki district da ka jingkot kiba pass haduh 98.18%, bud sa ka West Jaintia Hills ba kot 94.70% bad ka Eastern West Khasi Hills ba kot 94.68%.
Ka Vocational stream ka kot ia ka jingpass haduh 95.23%, ha kaba 20 na ki 21 ngut ki kyrtong kila pass ia ka eksam.
 bad ka Don Bosco College, Tura kala wan hakhlieh duh ha ka Science stream, ka St. Mary’s Higher Secondary School, Shullong bad St. Edmunds Higher Secondary School, Shillong kila lamkhmat ha ka Arts bad Commerce stream.){kind=link}