Shillong Naitung 15: Ka All Jaintia Muster Roll Workers & Labour Union (AJMRWLU) kala kyntu ba dei ban bhah 5% na ka bynta ki khun jong ki nongtrei bylla sngi ha ki jaka pule bad ban iohkam iohjam sorkar ne ha ki kam shimet.
Ha ka jingaiti ia ka dorkhas sha ka Expert Committee on Reservation Policy, ka President ka AJMRWLU Daioowanphi Iakai kala ong, “Kadei kaba la tip lut da baroh ba ki khun jong ki nongbylla sngi (muster roll) ki don ha ki tnad sorkar bapher bapher lane kiwei pat kiba duk ha ki kam shna jingshna, bylla ha ki iing briew bad ki nongrep ki mad iaki jingeh kiba khraw ha kaban ioh ia ka jingpule ha ki kyrdan kiba heh ne ban ioh ia ka kam sorkar kaba biang hapoh ka jylla. Kiba bun hi na ngi kidei kiba duna ha ka ioh ka kot ban kyrshan ia la ki khun ha ka jingpule bad ha ka jingangnud ka jong ki”.
“Halor katei ka bynta, ngi na ka liang jong ka AJMRWLU ngi kyntu jur ban ai 5% ia ka bhah na ka bynta ki khun jong ki nongtrei bylla sngi ha ki jingpule bad ha ka kaban iohkam ha ki tnad sorkar ne ha ki kam riewshimet ha kylleng ka jylla Meghalaya. Kane ka jingthmu ka long ban weng ia ki mawjynthud kaba iakynduh da ki khynnah pule bad ki samla ki jong ngi, da kaba ai pat ia ki ia ka lad ba kin ioh ia ka bhah pule bad iaka lad ban iohkam ban tei ia ka lawei ka jong ki” kala ong.
Ka Kong Iakai kala ong, bad a kaba bhah kyrpang kumtei ym tang ba kan kyntiew iakaj ingai iaka hok hynrei kan iarap ruh ha kaban noh synniang ia ka roi ka par ha ka jylla baroh kawei da kaba pynkupbor ia kiba dun ha ka ioh ka kot bad ban kyntiew ia ka roi ka par ha baroh ki liang kaban iaid bad ka nongrim jong ka jingbym shah liang bad jingkhuid jingsuba, ban pynthikna ba man la ki khynnah kiba stadkin ioh lang ia ka lad ban bteng ia ka jingpule ka jongki ha ki kyrdan kiba heh bad ban don iaka jingangnud ban long kiba tbit.
“Ngi kyntu ia ki dkhot jongka expert committee ba kin pdiang lem ia kane ka jingkyrpad bad ban shim ia ki sienjam da kaba pynrung lang ia katei ka jingbhah kyrpang ha ka jingpynbeit thymmai ka jongki ia ka Meghalaya State Reservation Policy” kala pynpaw ha ka dorkhas bad ka bynrap “Da kaba leh kumtei, ngi lah ban iatreilang na ka bynta ban thaw iaka imlang sahlang kaba iaid shaphrang da baroh lang ha kaba wat kito kiba wan na ki longing kiba duna haka ioh ka kot kin ioh lem ia ka lad ban pynurlong kum kita ki longbriew manbriew kiba pura”.
 ki don ha ki tnad sorkar bapher bapher lane kiwei pat kiba duk ha ki kam shna jingshna, bylla ha ki iing briew bad ki nongrep ki mad iaki jingeh kiba khraw ha kaban ioh ia ka jingpule ha ki kyrdan kiba heh ne ban ioh ia ka kam sorkar kaba biang hapoh ka jylla. Kiba bun hi na ngi kidei kiba duna ha ka ioh ka kot ban kyrshan ia la ki khun ha ka jingpule bad ha ka jingangnud ka jong ki”.){kind=link}