Shillong, Naitung 15 : Ki Pulit ka East Jaintia Hills, kila ioh kem biang sa arngut ki briew kiba suba donkti ha ka jingpyniap tohmet ia ki 4 ngut ki briew ha ka shnong Umpleng, East Jaintia Hills District.
Kumba long mynta, ki Pulit kila kem ia 3 ngut ki briew baroh lang. Ia kine ki arngut la kem hynne ka step na East Jaintia Hills.
Ha ka 7 tarik Jylliew, ki Pulit kila lap ia 4 tylli ki metiap ba la teh lang bad ba shah mat da ka wait na khlieh, ha kawei ka jaka khlaw jong ka shnong Umpleng East Jaintia Hills.
Kine ki 4 ngut kiba shah pyniap dusmon ki lynthup u Nazar Kyndait (33 snem) na Dkhiah East, u Luba Tamang ba na Umpleng East Jaintia Hills Meghalaya, u Ravi Rai (23 snem) na Elam, Nepal bad u Rajesh Rai (26 snem) na ka shnong Dharan Sunsari, Koshi Anchal, Nepal.
Ki pulit kim pat pynpaw tia iaki kyrteng jong ki briew ba shah namar ka jingtohkit ka dang iaid shakhmat.
