Shillong, K’lyngkot 25: U Symbud Myntri Rangbah ba khmih ia ki kam pohiing (police) Bah Prestone Tynsong ha ka sngi Thohdieng, ula ong ba ka Sorkar kala bthah ia baroh ki bor District ba kin shim ia ki sienjam ba donkam ha kaban pynthikna ia ka jingrakhe Republic Day kaba suk ba sain.
Kane ka jingkren kala mih shisngi hadien ba uwei u briew ba 37 snem Edward Maiong ula shah kem na Lower New Colony Laitumkhrah namar ka jingbyrngem ban buh bomb ha bun jaka ha sor Shillong.
Haba iakren bad ki nongthoh khubor, u Bah Prestone ula ong ba ka jingtohkit bad ka jingiakylli jingkylli pyrshah ia une u briew ka dang iaid shakhmat.
“Ki Pulit ka Jylla ki dang leh ia kaba donkam ban ngam jylliew halor kane” ula bynrap.
U Bah Prestone ula pyntip ba ka Sorkar kala pynmih ia ka jingbthah sha baroh ki bor District bad ki Pulitba kin shim ia baroh ki sienjam ha ka ban pynthikna ba ka shongsuk shongsain kan neh.
“Ngin pynthikna ia ka jingiada bad jingshngain ia baroh ki nongshongshnong bad ba ka jingrakhe Republic Day kan iaid beit iaid ryntih bad ba suk ba sain” ula kular.
Ha kajuh ka por, ki Pulit ka Jylla kila pynkhlain bha ia ki bor pahara na ka bynta ka jingrakhe ia ka Republic Day ha ka 26 tarik u Kyllalyngkot.
Hadien ka jingbyrngem pynbthei bomb ha Shillong, u Superintendent of Police ka East Khasi Hills ula iathuh ba ki Pulit kila pynlong ia ka jingtalasi kaba jur bha ha baroh ki lad ba kongsan hapoh ka Nongbah kynthup ka jingkhynra bad ka jingiaid pahara hapoh ka District ban tehlakam ia kano kano ka jingpyrshang ban pynthut ia ka jingrakhe Republic Day.
 Bah Prestone Tynsong ha ka sngi Thohdieng, ula ong ba ka Sorkar kala bthah ia baroh ki bor District ba kin shim ia ki sienjam ba donkam ha kaban pynthikna ia ka jingrakhe Republic Day kaba suk ba sain.){kind=link}