Shillong, Naiwieng 14 : Ka Iingkashari Meghalaya High Court kala register ia ka Public Interest Litigation (PIL) bala mudui pyrshah ia ka jingthmu pynpra ia ka State Circuit House kaba ju tip kum ka ‘Bidhan Bhavan’ lane ‘Roy Villah’.
“Haba pynshong nongrim ia ka shithi ba 12/11/2025 bala phah sha u Chief Justice, ia kane ka PIL la register ba iadei bad ka jingtei bala tip kum ka ‘Bidhan Bhavan’ lane ‘Roy Villah’, kaba dei mynta ka State Circuit House.
Ka jingsngewkhia ba pynpaw ka long ba iadei bad ka jingthmu ban pynpra noh ia kane ka jingtei, kaba kat kum ka shithi ka dei ka jingtei ki men barim kaba don ia ka khana pateng ba donkam” ong ka Division Bench ba kynthup ia u Justice HS Thangkhiew bad Justice B Bhattacharjee ha ka hukum ba pynmih ha ka sngi Thohdieng (14 tarik Naiwieng).
Ha ka jingshong bishar, u AD bala synran da u Bah AH Kharwanlang, Addl Sr GA ia ka Jylla, ula pyntip ba kane ka shithi ka dei kaba don ruh bad u.
Ula kyrpad ban ailad ia u shitaiew ka por ba un file affidavit, ba iadei bad kane ka kam.
U S Chakrawarty, Senior counsel bala iarap da ML Nongpiur, ula ai jingmynjur ban iarap ia ka Iingkashari kum ki u Amicus Curiae, ha kane ka mukotduma.
Ka Iingkashari kala buh ban shong bishar biang ia kane ka kam ha ka 27 tarik Naiwieng.
 bala mudui pyrshah ia ka jingthmu pynpra ia ka State Circuit House kaba ju tip kum ka ‘Bidhan Bhavan’ lane ‘Roy Villah’.){kind=link}