Jowai, Naitung 11: Kawei ka trok ba don u number AS 01 NC 3867, hynne ka janmiet sngi palei, kala rat naphang ia 4 tylli ki kali rit ha ka thain Jowai, West Jaintia Hills bad ha kane ka jingjia, arnugt ki briew kila mynsaw jur.
Kane ka jingjia kala jia ha ka por 3 baje nohphai sngi ha ka thain Ialong, kaba don marjan bad ka Civil Hospital, Jowai.
La iathuh ba kane ka trok ka dei kaba wan na ka thain Lumshnong bad ka dei kaba kit ia u clinker. La ong ba u nongniah jong kane ka trok, ula pynher sted bha ia ka kali haduh ba um shym la lah shuh ban tehlakam ia ka kali, kaba lam sha ka jingleit rat naphang ia ki kali kiba shah ha lynti iaid jong u.
Haduh 4 tylli ki kali kila shah rat ha kane ka trok bad kawei lei kala leit hap syndon sha ka jaka ba long riat. Baroh saw tylli ki kali rit kila julor ha kane ka jingshah tynrah.
Ia ki briew ba mynsaw la pynkit noh sha Civil Hospital, Jowai ban ioh jingsumar.
Ki Pulit kila kem noh ia u nongniah jong kane ka trok bad kila register case pyrshah ia u hapoh ki kyndon ka Ain. Ka jingtohkit mynta kala iaid shakhmat.
