spot_img

Ranji Trophy | Jop suk ka Odisha ia ka Meghalaya ha ka sngi ba-saw

Date:

Share post:

Shillong, Jan 27: Ka Meghalaya kala shah pynrem noh da 56 run ha ka Odisha ha ka jingiakhun ia ka Ranji Trophy 2024-25 Elite Group A kaba la long ha MCA Ground, Polo, ha ka Sngi u Blei.

Ka Meghalaya kaba la bteng ban leit tied na ka jingkamai 221 run bad hap 6 wiket, kala shah pynhap lut ki nongtied da kaba kamai 294 bad ka Odisha kala jop da kaba suk namar ka Meghalaya kam shym la lah ban beh ia ka jingkamai ka jong ka, kaba la buh da 548 run bad hap 7 wiket ha ka jingleit tied ha ka sien kaba nyngkong.

Ka Meghalaya ha ka jingleit tied ha kasien kaba nyngkong kala kamai tang 198 run bad hap lut ki nongtied.

U Jaskirat Singh Sachdeva udei u nongtied ka jylla Meghalaya uba la kamai 82 run hynrei ula shah pynkhyllem noh ha u Sunil Kumar Roul uba la ioh khur syndon 4 wiket.

U Tapas Kumar Das jongka Odisha ula ioh ia ka nam Player of the Match halor ka jingialehkai bha ka jongu ha kaban kawang bol da kaba ioh khur 6 wiket ha ka First Innings bad 1 wiket ha ka second Inning.

Ka Meghalaya kan pynkut ia ka jingialehkai ia ka Ranji Trophy da kaba iakhun pyrshah ia ka Mumbai kaban sdang naduh ka 30 tarik u Kyllalyngkot.

Share post:

spot_img
spot_img

Popular

More like this
Related

Hap ka maruti sha riat Rngain | Suba iap 5 ngut ki briew

Shillong, Nailar 04 : Kumba 5 ngut ki briew...

Rong ka umsaw ia u Ophisar ka Tnad Agriculture ha Ri-lum Garo

Tura, Nailar 03 : Uwei u Ophisar ka Tnad...

Dei ban iakren ka PTVC ia ka jingpynkynriah dukan madan beain, dawa ka MGSPHSVA

Shillong, Nailar 03 : Ka Meghalaya & Greater Shillong...