Shillong, Kyllalyngot 12: Ka Hyderabad kala pynhap wicket lut ia ki nongtied ka Meghalaya hynne ka sngi Thohdieng bad kala tam da 71 run ka Meghalaya bad sah sa 6 ngut ki nongtied ha ka sngi sdang jong ka Ranji Trophy plate group kaba la long ha MCA Ground, Polo.
Ka Meghalaya kala kamai tang 111 run bad hap lut ki nongtied katba ka Hyderabad kala kamai 182 run bad hap tang 4 wiket bad kala tam da 71 run iaka Meghalaya.
Ki nongialehkai ka Meghalaya kila shem jingeh ban ioh kamai run naka jingtbit jong ki nongkawang bol ka Hyderabad hynrei tang u Kishan Lyngdoh marwei ula lah ban tied bha bad ula kamai 51 run.
Kiwei kiwei ki nongtied ka Meghalaya kiba kynthup ia u Jaskirat Singh Sachdeva ula kamai 10 run, u Dippu Ch Sangma ula kamai 13 run bad ki nongtied ka Meghalaya kilashem jingeh iaka jingtbit kawang bol u Saaketh uba la khur 4 wiket bad ai 33 run.
Katba u nongkawang bol ka Meghalaya u Ram Gurung bad u Swarajeet Das ki shim mar 2 wiket.
Ka Hyderabad kala kamai 43 run bad hap 3 wiket hynrei u KR Rayudu ula kamai 54 run bad ym shim la Out bad u Chandan Sahani ula kamai 52 run bad kine ki arngut kila pynlong ia ka Hyderabad ban tam iaka jingkamai run ka Meghalaya.
