Shillong, Naiwieng 08 : Ki jaidbynriew Sikh ka Nongbah Shillong, kila rakhe ia ka sngikha ba 553 snem jong u Guru Nanak Dev hynne ka sngi ba-ar.
Ka Sikh Centre Sri Guru Singh Sabha kala rakhe ia kane ka sngi da kaba pynlong ia ki jingduwai bad ka jingpynlong ia ka “Langar” na ka bynta ki riewngeit Sikh.
U Lat ka Jylla BD Mishra ula phah ia ka jingkhublei halor kane ka jingrakhe ia ka Guru Nanak Jayanti 2022. Ha ka kyrwoh, ula kynti ia baroh ba kin bud ia ki jinghikai u Guru Nanak Dev bad ban don ka mynsiem tiplem para briew bad ka jingialong shipara.
