Shillong, Risaw 09: Ka Department of Nanotechnology jongka North-Eastern Hill University (NEHU) kala pynlong ia ka Workshop kum shi bynta ban rakhe iaka National Nanotechnology Day.
Ka jingthmu jong kane ka workshop ka long ban ai jingshai iaka jingkongsan jong ka Nanotechnology kum ka Technology na ka bynta ka lawei ha kaba la wan ban iashimbynta palat 100 ngut kynthup ia ki nonghikai, scholar bad ki samla pule.
Ha kane ka jingialang la wan ban ai jingkren da ki ar ngut ki Scientist kiba kynthup ia ka Prof. Kulsum Kondiah na ka University of Johannesburg bad Dr Raghumani Singh Ningthoujam na Bhabha Atomic Research Centre, Mumbai, kiba la ai ka jingbatai kaba bniah halor ka Nanotechnology bad ka rukom pyndonkam ia ka.
Ka Prof Kulsum Kondiah uba dei u Associate Professor bad Deputy Head of Department (Teaching and Learning) ha ka Department of Biotechnology & Food Technology jongka University of Johannesburg bad kaba ai jinghikai bad ka nongwadbniah ha ka University of Witwatersrand bad University of Johannesburg.
Ki jingwad bniah ki jongka kidei kiba phaikhmat sha ka Biotechnological Solution ha kaba iadei bad ka um, ka koit ka khiah, ki jingeh kiba mad ha ka rep ka riang ha kaba kala pynlong ia ka jingkhmih bniah ia ka “water-borne & clinical pathogens”.
Katba u Dr Raghumani Singh Ningthoujam udei u nongwad bniah uba la shemphang ha ka Nanoparticle, Analytical Chemistry, Luminescence, Ion bad Photoluminescence bad ka jingwad bniah ka jongu ka long long ha kiba bun ki bynta kiba kynthup iaka Transmission Electron Microscopy, Precipitation, Nuclear Chemistry bad kiwei kiwei.
Ha kane ka Workshop la ioh ruh iaka jingkren na u Dr. Manasjit Gogoi, Dr Mrityunjay Mahato bad Dr Shruti Shukla, kiba la ai jingbatai halor ka rukom pyndonkam ia ki Nanotechnology.
Ka Department of Nanotechnology ha NEHU ka ai jinghikai ha ka M.Tech bad Ph.D. program ha ka Nanotechnology, kaba la khring ia ki samla pule na ki lain pule kiba kynthup ia ka Biotechnology, Biochemistry, Physics, Chemistry, Material Sciences bad kiba bun jait ha ka lain Engineering.
Dr LR Singh, Head of the Department of Nanotechnology, ula banjur ia ki lad kiba bun jait kiba ioh lyngba ka Nanotechnology bad pynshlur ia ki samla pule ka thain shatei lam mihngi khamtam ia ki samla ka jylla Meghalaya, ban pynrung ialade ha katei ka prokram.
Bun ki samla pule barim jongka Department of Nanotechnology NEHU kila ioh jaka ha ki jaka pule kiba pawnam jongki IIT bad NIT ne ban leit pule ha ki kyrdan kiba heh shabar ri kum ha ka ri Taiwan, Germany bad South Africa.
