Shillong, Naitung 17 : Ka North Eastern Hill University (NEHU) kala rakhe ia ka lyngkhuh sngi iap ba 189 snem jong U Tirot Singh Syiem hynne ka sngi Balang, kaba la wan iashimbynta da ki Nonghikai, ki samla pule bad ki nongtrei.
Kane ka jingrakhe ba la pynlong ha NEHU Campus, ka dei ka jingkynmaw burom ia ka nam bad ka mynsiem ba shynrang jong une u Syiem ka Ri-lum Khasi ha ka jingiakhun pyrshah ia ki bor synshar ka Sorkar Bilat.
Ia kane ka jingrakhe la pyniaid da u Prof. Devendra Nayak, the Vice-Chancellor (I/C) ka NEHU. U Prof S Umdor na ka Department of Economics ula ai ka jingkren bad iathuh ia ka khana shaphang “Ka jingim bad ka jingiakhun Laitluid jong u Tirot Sing Syiem.
U Col.Omkar Singh (Retd), uba dei u Registrar, ula ban jur halor ka jingdonkam ban shim ia ki rai kiba bha ha ka jingpyniaid kam iaid jam ha kane ka juk bad ruh ia ki jinghikai kiba lah ban shim na ki kam shlur u Tirot Singh ban wanrah ia ka lawei kaba bit ba biang. Ula ban jur ia ka jingkongsan ban shim ia ki jinghikai na kiei kiba jia mynshuwa khnang ban lah ban tei ia ka imlang sahlang kaba bym noh liang.
U Prog Nayak ula kyntu ia ka NEHU Students’Union (NEHUSU) ban shim ia ka bynta long nongialam ha kaban pynlong ia ki prokram ban pynphriang paidbah halor ki jingtip shaphang ki nongiakhun laitluid. Ula kular ba ka Univeristy kan ai ia ka jingkyrshan kaba pura ia kum kane ka sienjam.
 kala rakhe ia ka lyngkhuh sngi iap ba 189 snem jong U Tirot Singh Syiem hynne ka sngi Balang, kaba la wan iashimbynta da ki Nonghikai, ki samla pule bad ki nongtrei.){kind=link}